3082 xəbər tapıldı
Özəl sektorda çalışan fiziki şəxslərin gəlir vergisinə tətbiq edilən 7 illik güzəştlər 2025-ci ilin sonunda başa çatıb. Bununla bağlı Vergi Məcəlləsində edilmiş dəyişikliklər 2026-cı il yanvarın 1-dən qüvvəyə minib. Həmin tarixdən etibarən qeyri-neft-qaz sektorunun özəl bölməsində fiziki şəxslərin gəlir vergisinə dair yeni, mərhələli güzəştlərin tətbiqinə başlanılır.
Bakıda və paytaxtın ətraf ərazilərində nəqliyyat sıxlığının aradan qaldırılması məqsədilə yeni yol və nəqliyyat layihələri icraedilir. Şəhərdaxili hərəkətin sürətləndirilməsinə, tıxacların minimuma endirilməsinə hesablanan bu layihələr paytaxt sakinlərinin gündəlik gediş-gəlişini daha rahat və səmərəli etməyi hədəfləyir.
Prezidentin yerli telekanallara müsahibəsində yaxın illərdə yeni 10 metro stansiyalarının tikintisinin nəzərdə tutulduğunu və bununla bağlı müvafiq proqramın qəbul edildiyini qeyd etməsi ictimai maraq doğurub.
Azərbaycan Prezidenti İlham Əliyev yerli televiziya kanallarına müsahibəsində son yeddi il ərzində 5 sosial islahat paketin icra edildiyini və bu islahatların 4 milyon vətəndaşı əhatə etdiyini bildirib.
137 min nəfər müəllim heyətinin sertifikatlaşma proqramında iştirakı və uğur qazanan heyətin aylıq vəzifə maaşlarına müəyyən edilmiş əlavələrin verilməsinə 212,8 milyon manat vəsait xərclənəcək.
İllərdir Bakıda daşınmaz əmlak bazarında davamlı qiymət artımları müşahidə olunurdu. Bəzi dövrlərdə bu artım illik 10, hətta 20 faizə qədər yüksəlirdi. Lakin ekspertlərin fikrincə, ötən ilin, yəni 2025-ci ilin ikinci yarısından etibarən bazar yeni mərhələyə keçib və durğunluq açıq şəkildə hiss olunur.
Nazirlər Kabinetinin qərarı ilə hərbi qulluqçular və ədliyyə orqanlarında çalışan şəxslərin işdən çıxarılarkən alacaqları birdəfəlik müavinətlərin yeni hesablanma mexanizmi müəyyənləşib. Yeni qaydalar əsasən müavinətin neçə aylıq olacağını və hansı maaşlar əsasında hesablanacağını dəqiqləşdirir.
Türkiyədə 15 yaşadək olan vətəndaşların sosial şəbəkələrə və oyun platformalarına girişi qadağan ediləcək. Bu barədə Türkiyənin ailə və sosial xidmətlər naziri Mahinur Özdemir Göktaş yerli televiziya kanallarından birinin efirində məlumat verib.
ADY 12 yanvardan etibarən yeni Gəncə-Qəbələ-Gəncə sərnişin marşrutunu istifadəyə verəcək. Banker.az xəbər verir ki, yeni marşrut vasitəsilə həm də Bakıdan Qəbələyə və əks istiqamətə hər gün səfər etmək mümkün olacaq. Biletlər bu gündən satışa çıxarılacaq.
Qarşıdan Dünya Azərbaycanlılarının Həmrəyliyi Günü və Yeni illə bağlı qeyri-iş günləri yaxınlaşır. Bu günlər çərşənbə, cümə axşamı və cümə günlərinə təsadüf etdiyindən ölkədə 5 gün ardıcıl qeyri-iş günü olacaq. Lakin müəyyən sahələr var ki, orada çalışan əməkdaşlar ənənəvi olaraq bayram günlərini də iş başında keçirirlər.
Xəbər verdiyimiz kimi, Nazirlər Kabineti “Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası”nda dəyişiklik edib. Bununla da bağlanan və ya ləğv olunan müəssisələrdə əvvəlki illərdə çalışmış işçilərin güzəştli şərtlərlə əmək pensiyası almaq hüquqları təmin edilib.
Prezident İlham Əliyevin Dünya Azərbaycanlılarının Həmrəyliyi Günü və Yeni il bayramı münasibətilə imzaladığı sərəncam cəmiyyətdə böyük maraq doğurub. Sərəncama əsasən, aztəminatlı ailələrə 200 manat birdəfəlik maddi yardım veriləcək. Lakin ən çox verilən sual da elə budur - 200 manat konkret olaraq kimlərə çatacaq?