3029 xəbər tapıldı
2023-cü ilin yanvar-aprel aylarında pərakəndə ticarət şəbəkəsində istehlakçılara 16,4 milyard manatlıq, o cümlədən 9,5 milyard manatlıq ərzaq məhsulları, içkilər və tütün məmulatları, 6,9 milyard manatlıq qeyri-ərzaq malları satılıb.
2023-cü il aprelin 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 33,5 min nəfər və ya 2,0 faiz artaraq 1736,3 min nəfər olmuş, onlardan 904,1 min nəfəri iqtisadiyyatın dövlət sektorunda, 832,2 min nəfəri isə qeyri-dövlət sektorunda fəaliyyət göstərib.
Nazirlər Kabinetindən verilən məlumata görə, ölkədə 15 iyun – Milli Qurtuluş günü kimi qeyd edilir. Buna görə də cümə axşamı günü iş olmayacaq. 26 İyun – Silahlı Qüvvələr Günüdür. İyunun 28,29-u Qurban bayramı günləri müəyyən edilib. Həmin günlər bayram olduğu üçün qeyri-iş günü hesab edilir.
Ümumvətəndaş pasportlarına malik Azərbaycan və Birləşmiş Ərəb Əmirlikləri vətəndaşları hər iki ölkəyə vizasız gedib 3 ay qala biləcəklər.
Energetika Nazirliyinin yaydığı məlumata görə, 2023-cü ilin yanvar-aprel ayları üzrə operativ məlumatlara əsasən, 4 ayda Azərbaycanda 16,2 milyard kubmetr təbii qaz hasil edilib. Qazın 4,4 milyard kubmetri “Azəri-Çıraq-Günəşli”dən, 8,8 milyard kubmetri “Şahdəniz”dən 3 milyard kubmetri SOCAR üzrə hasil olunub.
Azərbaycan hökuməti 2023-cü il dövlət büdcəsinə dəyişikliklər layihəsi üzərində işləri bitirmək üzrədir. Maliyyə naziri Samir Şərifovun verdiyi məlumata görə, dəyişikliklər layihəsi qanunvericiliyə uyğun olaraq mayın 15-dən sonra Milli Məclisə təqdim olunacaq.
2023-cü ilin yanvar-aprel aylarında əsas kapitala 4580 milyon manat məbləğində, yaxud 2022-ci ilin müvafiq dövrü ilə müqayisədə 21.1 faiz çox vəsait yönəldilib. Banker.az bu barədə DSK-ya istinadən xəbər verir ki, neft-qaz sektoruna yatırılmış investisiyaların həcmi 25.8 faiz, qeyri neft-qaz sektoruna yönəldilən vəsaitin həcmi isə 18.5 faiz artıb.
"Rabobank"ın Baş Valyuta Strateqi Jane Foley, bazar günü Türkiyədə keçirilən seçkilərdən sonra bazar reaksiyası ilə bağlı qiymətləndirmələr edib.
2023-cü ilin aprel ayında istehlak qiymətləri indeksi əvvəlki aya nisbətən 0.3%, əvvəlki ilin aprel ayına nisbətən 12,8% artıb.
Mayın 10-da Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri Şuşa şəhərində 17 binadan ibarət 2-ci yaşayış kompleksinin təməlinin qoyulması mərasimində iştirak ediblər. APA xəbər verir ki, dövlət başçısına və birinci xanıma kompleksdə görüləcək işlər barədə məlumat verilib.
Asiya İnkişaf Bankı (AİB) 2050-ci ilə kimi Azərbaycan əhalisinin artım proqnozunu yaxşılaşdırıb. Asiya İnkişaf Bankının hesablamalarına görə, 2030-cü ildə Azərbaycan əhalisi 10,7 milyon nəfərə yüksələcək.
Mayın 10-da Bakı və Sumqayıt şəhərləri, eləcə də Abşeron rayonu üzrə pensiyaların ödənilməsi nəzərdə tutulub. Bu barədə Dövlət Sosial Müdafiə Fondundan (DSMF) bildirilib. Qeyd edilib ki, güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək.