Azərbaycanda yanvar-aprel aylarında inflyasiya 13.5% olub

 

2023-cü ilin yanvar-aprel aylarında istehlak qiymətləri indeksi 2022-ci ilin yanvar-aprel aylarına nisbətən 13,5%, o cümlədən ərzaq məhsulları, içkilər və tütün məmulatları üzrə 16,6%, qeyri-ərzaq məhsulları üzrə 11,8%, əhaliyə göstərilmiş ödənişli xidmətlər üzrə 10,7% artıb.

“APA-Economics” Dövlət Statistika Komitəsinə istinadən xəbər verir ki, 2023-cü ilin aprel ayında istehlak qiymətləri indeksi əvvəlki aya nisbətən 0.3%, əvvəlki ilin aprel ayına nisbətən 12,8% artıb.