353 xəbər tapıldı
Azərbaycan Dövlət Neft Şirkəti (SOCAR) son 15 ildə tərəfdaşları ilə birgə Türkiyə iqtisadiyyatına 18 milyard ABŞ dolları həcmində investisiya qoyub. “Report” xəbər verir ki, bunu SOCAR-ın Türkiyədəki törəməsi olan “SOCAR Turkey” şirkətinin baş icraçı direktoru vəzifəsini icra edən Elçin İbadov Türkiyə mətbuatına müsahibəsində deyib.
Bu ilin əvvəlindən indiyə qədər Azərbaycandan Türkiyəyə 7,4 milyard kubmetr təbii qaz nəql edilib. "Report"un Naxçıvana ezam olunmuş müxbiri xəbər verir ki, bunu energetika naziri Pərviz Şahbazov bu gün Naxçıvan şəhərində keçirilən Azərbaycan-Türkiyə 3-cü Enerji Forumunda bildirib. Onun sözlərinə görə, bu ilin sonuna qədər bu rəqəmin 10,2 milyard kubmetr olması nəzərdə tutulur.
Azərbaycanın 2024-cü il dövlət büdcəsinin ilkin konturları açıqlanıb. Maliyyə Nazirliyindən “Yeni Müsavat”a verilən məlumata görə, hökumət neftin bir barelinin orta illik ixrac qiymətini 2024-2027-ci illər üçün 60 ABŞ dollarından hesablamaqla növbəti 4 illik müddət üçün ölkədə mümkün iqtisadi artımı proqnozlaşdırıb.
2024-cü ildə də Azərbaycanda ABŞ dollarının məzənnəsinin 1,7 manat səviyyəsində qalması proqnozlaşdırılır. "Report" bu barədə Maliyyə Nazirliyinə istinadən xəbər verir. Xatırladaq ki, ölkədə milli valyutanın məzənnəsi 2018-ci il martın 7-dən sabitdir.
Azərbaycan 2024-cü ildə dövlət büdcəsinin 2 milyard 590 milyon manat proqnozlaşdırılan kəsirini əsasən borclanma hesabına maliyyələşdirəcək.
Uçot dərəcəsinə dair yeni qərarlar ABŞ, Türkiyə, Böyük Britaniyada da gözlənilir Sentyabrın 20-də Azərbaycan Mərkəzi Bankı faiz dərəcələri ilə bağlı qərarını ictimaiyyətə açıqlayacaq.
«Bloomberg» 2007-ci ildən bəri dünya bazarında ən böyük neft qıtlığı barədə xəbərdarlıq edib. FED.az-ın məlumatına görə, 2023-cü ilin son aylarında qlobal neft bazarı son 15 ildən çox müddətdə ən böyük tədarük çatışmazlığı ilə üzləşə bilər. Agentlik qeyd edir ki, bu, Co Baydenin seçki kampaniyasına problem yarada bilər.
Bu ilin yanvar-avqust aylarında Azərbaycan əhalisinin nominal gəlirləri 50 milyard 861,1 milyon manat təşkil edib. Bu, ötən ilin eyni dövrü ilə müqayisədə 14,3 % çoxdur. Son 1 ildə ölkədə adambaşına düşən nominal gəlir isə 13,6 % artaraq 5 013,3 manata çatıb.
Üç əsas növ yanacaq - neft, təbii qaz və kömür istehlakı 2030-cu ilə qədər pik həddə çatacaq. Musavat.com xəbər verir ki, bu proqnozla Beynəlxalq Enerji Agentliyi (IEA) çıxış edib. Agentliyə görə, həmin ildən sonra bu yanacaq növlərinin istehlakı azalmağa başlayacaq və buna bərpa olunan enerji mənbələrinin sürətlə yayılması və elektriklə işləyən avtomobillərin sayının artması səbəb olacaq.
2023-cü ilin 6 ayı üzrə tədiyə balansı əsasən neft və qaz qiymətlərinin əlverişli olması, qeyri-neft-qaz ixracının artması və kapitalın və maliyyənin hərəkəti hesabında müsbət meyllərdən təsirlənmişdir. Cari əməliyyatlar balansında 5 milyard 155 milyon dollar, kapital və maliyyənin hərəkəti hesabında isə 509 milyon dollar profisit yaranmış, ehtiyat aktivləri 5 milyard 245 milyon dollar artmışdır.
Bu ilin yanvar-avqust aylarında istehlak qiymətləri indeksi 2022-ci ilin eyni dövrü ilə müqayisədə 111,7%, o cümlədən ərzaq məhsulları, içkilər və tütün məmulatları üzrə 113,4%, qeyri-ərzaq məhsulları üzrə 110,6%, əhaliyə göstərilmiş ödənişli xidmətlər üzrə 110,2% təşkil edib. Trend bu barədə Dövlət Statistika Komitəsinə istinadən xəbər verir.
Gündəlik həyatımıza birbaşa təsir edən əsas amillərdən biri də maliyyə savadlılığıdır. Təsadüfi deyil ki, evdar qadından tutmuş sahibkara qədər özünü dərk edən hər bir şəxs pulla bağlı qərar qəbul edir. Aydın məsələdir ki, düzgün qərar maliyyə vəziyyətini yaxşılaşdırdığı kimi, yanlış olan mənfi nəticələrə gətirib çıxarır.