3028 xəbər tapıldı
Azərbaycanda un ucuzlaşıb. “Karat Holding” bir kisə “Karmen” ununun qiymətini 41 manatdan 38 manata endirib və bunu 2022-ci ilin Azərbaycan un sənayesi üçün çətin il olması ilə əsaslandırıb. Demək olar ki, bütün il ərzində ölkənin un dəyirmanları sıfır rentabelliklə işləyib, hətta bəzi müəssisələr zərər də görürdülər.
Son zamanlar Azərbaycanda bəzi dərman vasitələri, eləcə də onların əvəzediciləri tapılmır. “Report”un apardığı araşdırma zamanı “Paraferin”, “Panadol”, “Nurofen”, “Lazolvan” şərbətlərinin, “Diazolin” və “Pankreatin” həblərinin, “Taufon” göz damcısının, “Natrium xlorid” infuziya üçün məhlulun, “Depakin xrono” 300 mg, “Depakin xrono” 500 mg həblərinin apteklərdə satışda olmadığı aşkarlanıb.
Yanvarın 2-də gecə saat 01:00-dan 05:00-a qədər Bakı-Quba-Rusiya ilə dövlət sərhədi avtomobil yolunun 21-ci km-lik hissəsində hər iki istiqamətdə avtonəqliyyat vasitələrinin hərəkəti məhdudlaşdırılacaq.
İlin ən mühüm hadisəsi şübhəsiz ki, Azərbaycan Mərkəzi Bankının (AMB) rəhbərliyinin dəyişdirilməsi oldu. 27 ildir ki, maliyyə bazarına nəzarət orqanına sədrlik edən Elman Rüstəmov Milli Məclisin qərarı ilə vəzifəsindən kənarlaşdırıldı və əmək fəaliyyətini Baş nazirin müşaviri kimi davam etdirdi.
“Bakı Metropoliteni” QSC 20-ci yeni nəsil qatarı xəttə buraxıb. Bu barədə “Report”a qurumdan məlumat verilib. Bildirilir ki, yaxın vaxtlarda hər biri 5 vaqondan ibarət 3 qatar tərkibi də sazlama və sınaq işlərindən sonra mərhələ ilə sərnişindaşıma prosesinə cəlb ediləcək. Bununla da vaqon parkında ən son nəsil vaqonların sayı 115-ə, yaxud qatarların sayı 23-ə çatdırılacaq.
Naxçıvan Muxtar Respublikasının Ali Məclisinin sabiq sədri Vasif Talıbovun retro maşın kolleksiyası olması çoxlarına bəllidir. “Qafqazinfo”nun əldə etdiyi məlumata görə, Vasif Talıbov vəzifədən istefa verdikdən sonra bu maşınların yerini dəyişmək qərarına gəlib.
Bu ilin yanvar-noyabr aylarında qalıqlı tədiyə balansı şəraitində Azərbaycanın strateji valyuta ehtiyatları 12,3% və yaxud 6,5 milyard ABŞ dolları artaraq 59,8 milyard ABŞ dollarına çatıb.
Dekabrın 30-dan 31-nə keçən gecədən etibarən yanvarın 4-ü axşam saatlarına qədər Bakının "20 Yanvar dairəsi"ndən Ziya Bünyadov prospekti istiqamətində (yalnız yolötürücüsü üzərində) avtonəqliyyat vasitələrinin hərəkəti məhdudlaşdırılacaq. Bu barədə Azərbaycan Avtomobil Yolları Dövlət Agentliyi məlumat yayıb.
Bayramqabağı əhalinin istehlak səbətində əsas yer tutan məhsullara tələbatın artması fonunda qiymət manipulyasiyalarına yol verilməməsi üçün İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti sahibkarlıq subyektlərinə müraciət edir.
Azərbaycan vətəndaşları növbəti ildən etibarən Mərakeşə elektron viza (e-viza) ilə səfər edə biləcək. APA xəbər verir ki, bu barədə Mərakeş Xarici İşlər Nazirliyinin mətbuat xidməti məlumat yayıb.
Ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işi ilə bağlı müsadirə olunmuş əmlaklar geri qaytarılıb. APA-nın əldə etdiyi xəbərə görə, bu barədə Bakı Apellyasiya Məhkəməsi qərar qəbul edib.
Fərdi hesabında hər hansı məbləğdə pensiya kapitalı olanlara 25 il staj hədiyyə edilməsi müddəti daha üç il uzadılıb. FED.az xəbər verir ki, hazırda hədiyyə edilən həmin 25 il sığorta stajının hər il üçün 1 il azaldılması 2023-cü ildən deyil, 2026-cı ildən tətbiq olunacaq.