3028 xəbər tapıldı
FED.az xəbər verir ki, bu ölkə üzrə ümumi kapital qoyuluşunun beşdə birindən artıqdır. Xatırladaq ki, 2022-ci ildə ölkəyə ümumilikdə 18,3 milyard manat vəsait yatırılıb. Bunun 10,2 milyard manatı Bakı şəhərinə sərf edilib. Başqa sözlə, Bakı şəhərini çıxmaqla, ölkənin bütün digər ərazilərinə yatırılan vəsaitlərin təqribən yarısı işğaldan azad edilən ərazilərə yatırılıb.
Rusiya xarici işlər naziri Sergey Lavrov fevralın 27-28-də Azərbaycana rəsmi səfər edəcək. “Qafqazinfo” Rusiya mediasına istinadən xəbər verir ki, Sergey Lavrovun Azərbaycana səfəri zamanı Prezident İlham Əliyev tərəfindən qəbul ediləcəyi gözlənilir. Həmçinin, Lavrov xarici işlər naziri Ceyhun Bayramovla danışıqlar aparacaq.
Alatava 1 qəsəbəsində (Alatava 1 - Yasamal Rayon Polis İdarəsi ilə üzbəüz) söküntüyə başlamaq üçün Dövlət Şəhərsalma və Arxitektura Komitəsi tərəfindən şirkətlərin biri ilə razılıq əldə edilib. FED.az xəbər verir ki, bu barədə Yasamal Rayon İcra Hakimiyyətinin başçısı Elşad Həsənov deyib.
Varşava 2022-ci ildən bəri Ukrayna münaqişəsi nəticəsində Polşaya dəymiş ekoloji zərərə görə Rusiyadan 47 milyard dollar həcmində təzminat tələb edəcək.
ABŞ ötən ilin yanvarından 2023-cü ilin yanvarına qədər Ukraynaya 75,5 milyard dollar yardım ayırıb. “Qafqazinfo” xəbər verir ki, bu barədə məlumatı “The Hill” qəzeti yayıb. Məlumata görə, bu məbləğin 29,3 milyard dolları hərbi yardım üçün ayrılıb.
“Qarabağ” Konfrans Liqasının pley-off mərhələsinin cavab oyununda səfərdə Belçikanın “Gent” klubuna uduzaraq (0:1, penaltilər – 3:5), mübarizəni dayandırıb. Oxu.Az xəbər verir ki, Azərbaycan təmsilçisi əksər statistik göstəricilərdə də rəqibindən geri qalıb.
Mövzu ilə bağlı “Xəzər Xəbər”ə açıqlama verən Elm və Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib ki, artımlar sertifikatlaşmadan keçən müəllimlərə də şamil ediləcək: “Bu, növbəti müddət ərzində əlavə artıma səbəb olacaq. 51-dən yuxarı bal toplayan müəllimlərin maaşı 35 faiz, 31-dən yuxarı bal toplayan müıllimlərin maaşı isə 10 faiz həcmində artırılır”.
2023-ci il fevral ayının 1-nə Azərbaycan iqtisadiyyatına kredit qoyuluşları 20 mlrd. 259 mln. manat təşkil edib.
Prezidentin bu il imzaladığı fərmanlarla daşınmaz əmlakın ilkin qeydiyyatı ilə bağlı və elektronlaşma ilə bağlı tapşırıq verilib. "APA-Economics" xəbər verir ki, bunu Prezident Administrasiyasının İqtisadi siyasət və sənaye məsələləri şöbəsinin sektor müdiri Vüsal Şıxəliyev “Rəqəmsal İdarəetmə Platforması və yeni innovativ sistemlər” mövzusunda təqdimatda çıxışı zamanı bildirib.
Ötən gün İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti Türkiyə istehsalı olan məhsulların satışı ilə bağlı haqsız rəqabət ehtimallarını nəzərə alaraq Azərbaycanın “Trendyol”a qarşı tədbirlər görə biləcəyini açıqlayıb. Qeyd olunur ki, yerli bazardakı pərakəndə şirkətlər "Trendyol"dakı qiymətlə rəqabət apara bilmir.
Azərbaycanda müqəddəs Ramazan ayının daxil olacağı gün məlum olub. Bu barədə Qafqaz Müsəlmanlar İdarəsi məlumat yayıb. Bildirilib ki, Ramazan ayının hilalı Azərbaycan üfüqündə mart ayının 22-də görünəcək. Ramazanın ilk günü isə mart ayını 23-də olacaq.
2023-cü ilin yanvar ayı ərzində Azərbaycana ümumilikdə 119 094 nəfər turist gəlib. Bu barədə Oxu.Az-ın sorğusuna cavab olaraq, Dövlət Turizm Agentliyindən məlumat verilib. Qeyd edilib ki, bu göstərici 2022-ci ilin müvafiq dövrü ilə müqayisədə 61 faiz çoxdur. Belə ki, ötən il yanvar ayında ölkəmizə 74 057 nəfər turist səfər etmişdi.