2973 xəbər tapıldı
Türkiyənin hakim Ədalət və İnkişaf Partiyasının sədri, “Cümhur İttifaqı”nın prezidentliyə namizədi və hazırki dövlət başçısı Rəcəb Tayyib Ərdoğanın vətəndaşlara vəd etdiyi sürprizlərin nədən ibarət olduğu açıqlanıb. “Report” “A Haber”ə istinadən bildirir ki, hazırda hökumət 3 əsas istiqamət üzrə iş aparır.
Bu gün Bakıda məktəblilər arasında zəhərlənmə olub. PRA .az Oxu.Az-a istinadən məlumatına görə, zəhərlənmə paytaxtın A.Hüseynzadə adına 20 nömrəli məktəbində qeydə alınıb. İlkin ehtimala görə, zəhərlənmə ibtidai sinif şagirdləri arasında qeydə alınıb.
06 aprel 2023-cü il tarixində gündüz saatlarınadək Bakı şəhəri Cəlil Məmmədquluzadə və İzmir küçələrinə içməli suyun verilməsində məhdudiyyətlər olacaq. Bu barədə Azərsu” ASC-dən bildirilib. Bildirilib ki, məhdudiyyətlər magistral su kəmərində təmir-bərpa işlərinin aparılması ilə əlaqədar olacaq.
Lionel Messi Səudiyyə Ərəbistanının “Əl-Hilal” klubuna keçməkdən imtina edib. “Qafqazinfo” xəbər verir ki, bu barədə Fransa mətbuatı məlumat yayıb. Daha əvvəl məlum olmuşdu ki, “Əl-Hilal” PSJ-nin hücumçusuna illik 400 milyon avrodan yuxarı maaşla müqavilə təklif edib. Lakin argentinalı forvard bu təklifdən imtina edib.
Bakıda və Abşeron yarımadasında aprelin 6-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Paytaxtda və ətraf ərazilərdə tıxaclar getdikcə artmaqdadır. Sanki mənzərə yaranır ki, nəqliyyat sistemi idarəolunmaz vəziyyətə gəlib. Hökumətin bununla bağlı hansı tədbirləri var? Aparıcı beynəlxalq konsaltinq şirkətləri cəlb olunmaqla ictimai nəqliyyatın idarə edilməsi və mobillik modeli hazırlanır.
Azərbaycanda əhalinin orta sıxlığı hər kv. km-də təqribən 92 nəfər, Bakı şəhəri aqlomerasiyasında 840 nəfər/kv. km, Abşeron iqtisadi rayonu üzrə 400 nəfər/kv. km təşkil edir. Bunu “Report”a müsahibəsində rəqəmsal inkişaf və nəqliyyat nazirinin müavini Rəhman Hümmətov paytaxtda və ətraf ərazilərdə tıxacların artmasının səbəbini açıqlayarkən bildirib.
Azərbaycan yeni avtomobillərin qiymətlərində yaya qədər artım gözlənilməsə də, təkrar bazarda mayın ortasından sonra 3-5 % civarında bahalaşma gözlənilir.
Daha iki yolda sürət həddinin endirilməsi ilə əlaqədar olaraq müvafiq yol nişanları quraşdırılıb. Bu barədə Bakı Nəqliyyat Agentliyindən (BNA) məlumat verilib. Bildirilib ki, Babək prospektində müvafiq yol nişanları quraşdırılaraq maksimum sürət həddi 60-80 km/saatdan 60 km/saat-a, Qala-Pirallahı yolunda isə 100 km/saatdan 90 km/saata endirilib.
“Forbes” ən zəngin milyarderlərin illik reytinqini açıqlayıb. Siyahıya LVMH qrupunun (“Christian Dior”, “Louis Vuitton”, “Moet & Chandon” brendləri) sahibi Bernar Arno başçılıq edir. Sahibkarın və ailəsinin sərvəti 211 milyard dollar (əvvəlki ildə 158 milyard) qiymətləndirilir. 2022-ci ildə böhrandan sonra fransız iş adamı siyahıda kapitalı 200 milyard dolları keçən yeganə milyarder olub.
Azərbaycanın işğaldan azad edilmiş ərazilərində 40-a yaxın avtomobil yolu inşa olunmaqdadır.bu barədə çərşənbə axşamı "Proyapı" şirkətinin Azərbaycandakı idarəetmə heyətinin sədr müavini Akif Aygen deyib. Onun sözlərinə görə, avtomobil tunellərinin əsas hissəsi Şuşa şəhəri istiqamətində inşa olunan yollarda cəmlənib.
ABŞ-nin sabiq prezidenti Donald Tramp həbs edilib. “Qafqazinfo” xəbər verir ki, bu barədə CNN məlumat yayıb. Həbs ona qarşı ittiham irəli sürülənədək davam edəcək. Yarım saat ərzində Trampın məhkəməni sərbəst tərk edəcəyi gözlənilir. Qeyd edək ki, ABŞ tarixində ilk dəfə keçmiş prezident cinayət məsuliyyətinə cəlb oluna bilər.