353 xəbər tapıldı
Türkiyənin “Gen İlaç ve Sağlık Ürünleri Sanayi ve Ticaret A.Ş” şirkəti ilə əməkdaşlıq müqaviləsinə əsasən vacib əczaçılıq məhsullarının yerli istehsal hesabına idxalının əvəzlənməsinə və istehlak bazarında sərfəli şərtlərlə əldə edilməsinə töhfə məqsədilə Azərbaycanda əczaçılıq məhsulları zavodunun tikilməsi planlaşdırılır.
Vergi və gömrükdən büdcəyə köçürmələrin artmasında inflyasiya ciddi rol oynayıb 2022-ci ildə Azərbaycanın dövlət büdcəsinə daxil olan və oradan xərclənən vəsaitlərin gəlir və xərc maddələri üzrə həcmi açıqlanıb. Milli Məclisə daxil olan sənəddən aydın olur ki, ötən il büdcənin gəlirləri 30 milyard 679,6 milyon manat, xərclər 32 milyard 64,5 milyon manat təşkil edib.
Ticarət və ya iaşə obyektlərindən alınmış mallara görə ödənilmiş əlavə dəyər vergisinin (ƏDV) bir hissəsi iki ildən çoxdur ki, istehlakçılara geri qaytarılır. İki milyondan çox vətəndaş "ƏDV geri al" sistemindən istifadə edir.
Hazırda Azərbaycanda inflyasiya qlobal inflyasiyadan 1,5 dəfə çoxdur. “Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında deputat Əli Məsimli bildirib.
2023-cü ilin ilk 4 ayında Azərbaycanın Rusiyadan malların idxalının dəyəri 1 milyard 37 milyon 744 min dollar təşkil edib. Bu, 2022-ci ilin ilk 4 ayı ilə müqayisədə 343 milyon 165 min dollar və ya 49,4% çoxdur. 2022-cü ilin ilk 4 ayında Azərbaycanın Rusiyadan malların idxalının dəyəri 694 milyon 579 min dollar təşkil etmişdi.
Azərbaycan Mərkəzi Bankı daha bir bank olmayan kredit təşkilatının lisenziyasını ləğv edib. Banker.az-ın əldə etdiyi məlumata görə, lisenziyası ləğv edilən “Union Kredit” BOKT ASC-dir.
Mərkəzi Bankın məlumatına görə, əhalinin banklardakı əmanətlərinin məbləği il ərzində 15,4 faiz artaraq, aprel ayının 1-nə milli valyuta ekvivalentində 11 milyard 964,4 milyon manat təşkil edib.
Bu ilin yanvar-aprel aylarında Azərbaycanın neft-qaz sektoruna 1 708,4 mln. manat həcmində vəsait yönəldirilib ki, bu da illik müqayisədə 29% çoxdur. Dövlət Statistika Komitəsindən "APA-Economics"ə verilən məlumata görə, 2022-ci ilin müvafiq dövründə sözügedən göstərici 1 321,1 mln. manat səviyyəsində olub.
Azərbaycan Mərkəzi Bankının (AMB) lisenziyasını ləğv etdiyi “Günay Bank” ASC-nin ölkənin bank sektorunun aktivlərində xüsusi çəkisi 0,6 %, kredit portfelində 1 %, öhdəliklərində isə 0,5 % təşkil edir.
Avropa Yenidənqurma və İnkişaf Bankı (AYİB) 2023-cü ildə Azərbaycanda real ÜDM-in artımını yenidən 2,5% proqnozlaşdırıb. "APA-Economics" xəbər verir ki, bu barədə AYİB-in yaydığı hesabatda bildirilib. Bank həmçinin 2024-cü il üzrə müəyyən etdiyi 2,7%-lik iqtisadi artım proqnozunu dəyişməyib. Başqa sözlə, AYİB bu ilin fevral proqnozuna hər hansı dəyişiklik etməyib.
Energetika Nazirliyinin yaydığı məlumata görə, 2023-cü ilin yanvar-aprel ayları üzrə operativ məlumatlara əsasən, 4 ayda Azərbaycanda 16,2 milyard kubmetr təbii qaz hasil edilib. Qazın 4,4 milyard kubmetri “Azəri-Çıraq-Günəşli”dən, 8,8 milyard kubmetri “Şahdəniz”dən 3 milyard kubmetri SOCAR üzrə hasil olunub.
Azərbaycan hökuməti 2023-cü il dövlət büdcəsinə dəyişikliklər layihəsi üzərində işləri bitirmək üzrədir. Maliyyə naziri Samir Şərifovun verdiyi məlumata görə, dəyişikliklər layihəsi qanunvericiliyə uyğun olaraq mayın 15-dən sonra Milli Məclisə təqdim olunacaq.