1936 xəbər tapıldı
Xəbər verdiyimiz kimi, dünən Baş Prokuror yanında Korrupsiyaya qarşı Mübarizə Baş İdarəsi Bakı Nəqliyyat Agentliyində (BNA) əməliyyat keçirib. “Qafqazinfo” xəbər verir ki, əməliyyatın konkret səbəbi, kimlərin məsuliyyətə cəlb edilməsi hələlik məlum olmasa da, cəmiyyətdə Bakı Nəqliyyat Agentliyindəki qanun pozuntuları ilə bağlı çoxsaylı fikir və iddialar səsləndirilir.
Azərbaycan Xarici İşlər Nazirliyi bu gün Moskvada keçirilən üçtərəfli görüşlə bağlı məlumat yayıb. XİN-dən Musavat.com-a bildirilib ki, görüşlərdə Azərbaycan və Ermənistan arasında münasibətlərin normallaşması prosesi müzakirə olunub.
Sabahdan Nazirlər Kabinetinin 25 iyun 2023-cü il tarixli qərarı ilə təsdiqlənən “Nəqliyyat vasitələrinin parklanmasına görə ödənişin məbləği” qüvvəyə minir. İmzalandığı gündən 30 gün sonra – iyulun 26-da qüvvəyə minən qərara əsasən, ödənişli parklanma yerlərində nəqliyyat vasitələrinin 15 dəqiqəyədək parklanması üçün ödəniş tələb olunmayacaq.
2022-ci ildə Azərbaycanın sübut olunmuş neft ehtiyatlarının həcmi 2021-ci ildən sonra dəyişməz olaraq 7 milyard barel qiymətləndirilir.
Bu ilin yanvar-iyun aylarında İpoteka və Kredit Zəmanət Fondunun (İKZF) xətti ilə 243,6 milyon manat kredit verilib. “Report” Azərbaycan Mərkəzi Bankına istinadən xəbər verir ki, bu, ötən illin eyni dövrü ilə müqayisədə 12,3 % çoxdur. Hesabat dövründə Fondun yenidən maliyyələşdirdiyi kreditlərin məbləği isə 12,5 % artaraq 211,8 milyon manat olub.
“Bu yay rus turistlər arasında ən populyar ölkələr Azərbaycan, Türkiyə, Özbəkistan və Tacikistan olub”. “Report” “RBK”-ya istinadən xəbər verir ki, bu barədə məlumat "OZON Travel" və Renessans Sığorta Qrupunun keçirdiyi sorğunun nəticələri zamanı üzə çıxıb. Sorğu zamanı bəlli olub ki, rusların 53 faizinin səyahət üçün ən çox ehtiyat etdikləri ölkə Birləşmiş Ştatlardır.
Bloomberg yazır ki, dünya ərzaq böhranı ilə üz-üzədir. Müəlliflər planetdə ərzaq təhlükəsizliyi ilə bağlı vəziyyətin kəskinləşməsinin əsas amilləri kimi Rusiyanın taxıl sazişindən çıxmasını, Avropa və Amerikada görünməmiş istilər, habelə Hindistanın düyü ixracına tətbiq etdiyi məhdudiyyətləri qeyd edirlər.
Xəbər verdiyimiz kimi, Azərbaycan Demokratiya və Rifah Partiyasının sədri Qubad İbadoğlu saxlanılıb. “Qafqazinfo”nun məlumatına görə, partiya sədri ilkin olaraq Cinayət Məcəlləsinin 204.1-ci (saxta pul və ya qiymətli kağızlar hazırlama, əldə etmə və ya satma) maddəsi ilə təqsirləndirilən şəxs qismində cəlb olunub.
Bu gündən Azərbaycanda bəzi taksi şirkətləri qısa məsafələr üçün gedişhaqqı qiymətlərini qaldırıb. “Qafqazinfo” xəbər verir ki, “Uber”, “Bolt” və “Yango” şirkətlərində yaxın məsafələrə gedişlər üçün minimal məbləğ 2,50 AZN olub. Qeyd edək ki, əvvəllər bu məbləğ 1- 1,60 AZN aralığında dəyişirdi.
Rusiya Prezidenti Vladimir Putin Cənubi Afrikada keçiriləcək BRİKS sammitinə getməyəcək. “Qafqazinfo” Lenta.ru nəşrinə istinadən xəbər verir ki, bu barədə Rusiya Prezidentinin Dəftərxanası məlumat verib. Bildirilib ki, sammitdə Putini Rusiya xarici işlər naziri Sergey Lavrov təmsil edəcək.
Azərbaycan “Henley & Partners Visa Restrictions Index”də yanvar reytinqi ilə müqayisədə 4 mövqe yüksələrək Uqanda ilə 72-ci yeri bölüşüb.
Dünyada rekord isti hava müşahidə olunur. “Qafqazinfo” xəbər verir ki, bu barədə Ümumdünya Meteorologiya Təşkilatı (ÜMT) məlumat yayıb. Bildirilib ki, Şimali Amerikada, Asiyanın bəzi hissələrində, eləcə də Afrikanın şimalında və Aralıq dənizində eyni vaxtda isti hava müşahidə edilib. Temperatur bir neçə gün ərzində 40 dərəcə selsidən yuxarı qalxıb.