Əhalinin banklardakı əmanətləri 910 milyon manatdan çox - ARTIB

Bu ilin yanvar-noyabr ayları ərzində Azərbaycanda fiziki şəxslərin depozitləri 12 milyard 253,7 milyon manata çatıb.

Əhalinin banklardakı əmanətləri illik müqayisədə 913,8 milyon manat, yəni 8,1% artıb.

Əmanətlərin 6 milyard 736,7 milyon manatı tələbli, 5 milyard 517 milyon manatı isə müddətli depozitlər olub.

Bunlar da əvvəlki ilin müvafiq dövrü ilə müqayisədə 678,7 milyon manat (11,2%) və 235 milyon manat (4,5%) çoxdur.

Sahibkarlıqla məşğul olan fiziki şəxslərin əmanətləri isə 22,7 milyon manat və ya 9,1% artaraq 271,4 milyon manata yüksəlib.