Dünyanın iri geyim şirkəti Rusiyadakı fəaliyyətini tamamilə dayandırır

İsveçin geyim pərakəndə satış şəbəkəsi H&M Rusiyadakı fəaliyyətini dayandırır.

Dünyanın ən böyük geyim pərakəndə satış şirkəti H&M, Rusiyadakı fəaliyyətini tamamilə dayandırmaq qərarına gəlib.

Marja şirkətin açıqlamasına istinadən xəbər verir ki, "H&M Group" Rusiya bazarını tərk etmək qərarını "əməliyyat problemləri və qeyri-müəyyən gələcək" ilə izah edib. 

Xatırladaq ki, martın əvvəlində "H&M Group" Ukraynadakı vəziyyətlə əlaqədar Rusiyada satışlarını müvəqqəti dayandırmışdı.

Şirkətin Rusiyada 150-dən çox mağazası fəaliyyət göstərirdi.