23 sentyabr dünyada Beynəlxalq Dama günü qeyd olunur. Dünyanın bir çox ölkələrində bu gün münasibətilə yarışmalar, beynəlxalq turnirlər keçirilir. Ölkəmizdə də, bu oyuna maraq dairəsi böyük olduğundan, mütəmadi olaraq müxtəlif məktəblər,qurumlar arasında yarışlar təşkil olunur. Uşaqların bu intellektual oyuna marağın artırılması, şagirdlərin daha çevik, məntiqli inkişafı məqsədilə Sumqayıt şəhər, 35 saylı orta məktəbdə müəllim Fatimə Həşimovanın rəhbərliyi ilə 2 d sinifində dama yarışı keçirilib. Uşaqlar tərəfindən maraqla qarşılanan yarışmanın qalibləri kiçik hədiyyələr və sertifikatla mükafatlandırılıb.
