Ruslara əmanətləri xarici valyutada saxlamaq tövsiyə edildi - Dolların bahalaşması davam edə bilər

25 Noyabr 2022, 9:39
Ruslara əmanətləri xarici valyutada saxlamaq tövsiyə edildi - Dolların bahalaşması davam edə bilər
Ruslara əmanətləri xarici valyutada saxlamaq tövsiyə edildi - Dolların bahalaşması davam edə bilər

FED.az xəbər verir ki, "Sovcombank"ın baş analitiki Mixail Vasilyev bildirib ki, 2023-cü ildə də FED hazırkı kursunu davam etdirsə və proqnozlaşdırılan qlobal tənəzzül reallaşsa, Dolların bahalaşması tendensiyası davam edə bilər.

Bir çox iqtisadçı hesab edir ki, geosiyasi ziddiyyətlər, deqloballaşma, dünyada onilliklər ərzində rekord səviyyəyə çatan inflyasiya, yığılmış borclar, enerji və ərzaq böhranları fonunda aparıcı mərkəzi bankların faiz dərəcələrini sürətlə artırmaları, eləcə də Çində koronavirusa qarşı sərt tədbirlər qlobal iqtisadi tənəzzülə səbəb olacaq. Və bu ssenaridə xammal qiymətlərinin düşməsi və qlobal investorların "etibarlı sığınacaq" olan dollara keçmələri ehtimalı var.

"Biz 2023-cü il üçün proqnoza Urals markalı neftin qiymətinin bir barel üçün 60 dollara düşməsini də daxil edirik. Lakin dünyada tənəzzül daha dərin olarsa, neftin qiyməti proqnoz daha da aşağı düşəcək", - ekspert hesab edir.

Onun fikrincə, bunun fonunda Rusiya rublunun ucuzlaşması və bir dolların 70 rubla qədər bahalaşması ehtimalı var.

Rubla təzyiq Rusiyanın tədiyyə balansının cari əməliyyatlar hesabının profisitinin azalması ilə bağlı olacaq: qlobal tənəzzül və yeni sanksiyalar (Dekabrın 5-dən Rusiya neftinə qiymət tavanı və idxalına embarqo tətbiq ediləcəyi gözlənilir) səbəbindən ixrac gəlirləri azalacaq.  "Ona görə də əmanətlərinizin bir hissəsini xarici valyutada saxlamaq məqsədəuyğundur", - Vasilyev tövsiyə edib.