Azərbaycanda mövsümi vergilər tətbiq edilə bilər

23 Sentyabr 2022, 10:10
Azərbaycanda mövsümi vergilər tətbiq edilə bilər
Azərbaycanda mövsümi vergilər tətbiq edilə bilər

Azərbaycanda mövsümi vergilərin tətbiq edilməsinə baxılır.

Bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında İqtisadiyyat Nazirliyi yanında Dövlət Vergi Xidmətinin rəis müavini Samirə Musayeva deyib.

O qeyd edib ki, mövsümi fəaliyyət göstərən subyektlərlə bağlı güzəştlərin edilməsi məsələsinə baxılır.

S.Musayeva bildirib ki, bununla bağlı məsələ sosial-iqtisadi inkişaf strategiyası çərçivəsində də baxılır. “Bu məsələdə sahibkarların da təklifi nəzərə alınır, xüsusilə mövsümu vergilərin tətbiqi ilə bağlı sahibkarların təkliflərinə baxılacaq”, - deyə o əlavə edib.